Ikiwa unatumia Gmail, unaweza kutafuta hatua hizi kusaidia kuhakikisha akaunti yako ni salama.

Hakikisha barua pepe yako haisambazwi au kushirikiwa isipokuwa utake isambazwe au ishirikiwe

Angalia kitufe cha “Mipangilio ya Barua” katika Gmail kwa mipangilio ya usambazaji na uwekaji kaumu ambayo inawapa wengine ufikiaji wa akaunti yako kuhakikisha barua pepe yako inaelekezwa sawasawa.

Ukisahau nenosiri lako, unahitaji njia ya kurejea kwenye akaunti yako

Google inaweza kukutumia barua pepe katika anwani ya barua pepe ya urejeshi ikiwa utahitaji kuweka upya nenosiri lako, kwa hivyo hakikisha kuwa anwani ya barua pepe ya urejeshi imesasishwa na ni akaunti unayoweza kufikia. Pia unaweza kuongeza nambari ya simu kwenye wasifu wako wa Gmail ili upokee msimbo wa kuweka upya nenosiri lako kupitia ujumbe wa maandishi.

Kuwa na nambari ya simu ya mkononi kwenye akaunti yako ni moja ya njia rahisi na za kuaminika za kukusaidia kuweka akaunti yako salama. Kwa mfano, Google inaweza kutumia nambari ya simu kuwapa watu changamoto iwapo watajaribu kuvamia akaunti yako, na kukutumia msimbo wa kuthibitisha ili uweze kuingia kwenye akaunti yako iwapo hutakuwa na uwezo wa kufikia. Kutoa namba ya simu ya urejeshi kwa Google hakutasababisha usajiliwe kwenye orodha za masoko au upigiwe simu nyingi kutoka kwa wauzaji wanaotumia simu.

Simu yako ya mkononi ni mbinu salama zaidi ya utambulisho kuliko anwani yako ya barua pepe ya urejeshi au swali la usalama kwa sababu, tofauti na hizo nyingine mbili, una umiliki halisi wa simu yako ya mkononi.

Angalia ufikiaji au shughuli zisizo za kawaida kwenye akaunti yako

Kagua kila mara akaunti yako kwa shughuli isiyojulikana au ya kushukiwa. Bofya kwenye kiungo cha "maelezo" chini kabisa ya ukurasa ili upate anwani za hivi karibuni kabisa za IP ambazo barua pepe yako ilifikiwa kwazo, na maeneo yanayohusiana. Ikiwa utaona shughuli za kushukiwa za akaunti, badilisha nenosiri lako mara moja na uondoke kwenye akaunti yako. Pata maelezo zaidi kuhusu shughuli za kushukiwa za akaunti.